21 Dezembro 2009
16 Dezembro 2009
JORNADA POLA OFICIALIDADE!
Nova cita no calendário para tod@s @s galeg@s que queiram apoiar as nossas selecçons nacionais. Siareir@s Galeg@s prepara-vos um dia lotado de actividades. O Sábado 26 de dezembro as ruas de Compostela, o estádio de Santa Isabel e a sala Capitol acolherám as actividades do nosso colectivo.
O próximo 26 de Dezembro Compostela acolherá umha nova jornada em que se evidenciará a enorme fortaleza do movimento em defesa das selecçons nacionais. Igual que acontecera em 2005 em Compostela, em 2006 e 2008 na Corunha e 2007 em Vigo, Siareir@sGaleg@s estará nas ruas e desta volta tambem organizará o jogo da selecçom de futebol. Esperamos que esta seja umha grande mobilizaçom nacional em defesa do nosso direito a ter selecçons nacionais
As actividades realizadas todos estes anos nom podem ficar no esquecemento por nom contar com apoio institucional. Somos um povo luitador que temos capacidade para nos auto-organizar, que nom vamos permitir que nos quitem o nosso e por isso temos que estar todos e todas juntas este ano com mais força que nunca.
O dia 26 espera-nos umha jornada de festa e reivindicaçom em que berraremos bem forte que somos umha naçom, que temos direito a ter selecçons desportivas e que reclamamos a oficialidade.
MANIFESTAÇOM (17.00): Às 17 horas manifestaçom desde o passeio da alameda para exigir o direito da Galiza a ter selecçons e competir a nível internacional. Depois de percorrer as ruas compostelas a manifestaçom concluirá no campo de Santa Isabel
JOGO DE GALIZA (19.00): Siareir@s Galeg@s como já sabedes asumiu a organizaçom do evento, a nossa selecçom nacional jogará contra um combinado internacional. Pola Galiza participarám jogadores de diversas categorias. Nos próximos dias confirmaremos os jogadores incluídos nesta convocatória que defenderám a nossa camisola, assim como o quadro técnico do mesmo. Mas já che adiantamos que haberá importantes surpresas.
O 26 contamos contigo, acude e difunde a nossa convocatória lá onde podas.
Cartóns já á venda em Ponte Vedra em:
Local Social A Revira (Rúa Gonzalo Gallás)
Bar Vacaloura (Rúa Florez, 6)
A Revira Volta!
Desde a Associaçom Cultura Revira temos adicado as últimas semanas a acondicionar o que será a partir de dezembro o nosso novo centro social, coincidindo com o 6º Aniversário da associaçom. Ficam atrás quase seis anos de luita e convívio no velho empraçamento da rua Arcebispo Malvar, do que sempre guardaremos saudosas lembranças. Lá tiveram lugar concertos, charlas, colóquios, festas, ceias, exposiçons, actividades sempre vencelhadas à construcçom nacional da Galiza, à defesa da língua e cultura galegas, do meio ambiente, dos direitos da mulher, dos valores solidários e internacionalistas. O C.S Revira constitui um espaço imprescindível para o encontro e convívio de tod@s @s que defendemos a superaçom do capitalismo e do marco jurídico-político espanhol, um projecto ao serviço dos movimentos populares da comarca de Ponte Vedra, que agora queremos revitaliçar.
Nesta nova etapa da Revira pretendemos dar um novo impulso ao centro social, pulando por sermos mais efectivos na integraçom a nível de bairro, por servir de alto-falante das luitas populares e por constituírmo-nos num espaço referencial, especialmente entre a mocidade, sempre desde um ponto de vista plural e com afám integrador, favorecendo o debate e o encontro.
Acreditamos na vigência dos objectivos que virom agromar a associaçom em 2003 , e cientes de nos atopar numha etapa caracteriçada polo fracasso do marco autonómico, polo ataque sistematiçado à cultura e língua galegas e também ao nosso tecido produtivo mais básico, em plena crise neo-liberal, decidimos dar um passo adiante para contribuírmos com o nosso grao de areia à luita.
Pouco antes de finaliçar o contrato de aluguer do anterior local, decidimos que a revitalizaçom passava tanto pola anovaçom da práctica diária, superando certas eivas que vinhamos arrastando, assi como pola mudança do próprio centro social a um empraçamento novo no qual pudesemos ter umha maior interactuaçom com a vizinhança, tentando conseguir ademais um espaço aberto , vissível , integrador, fugindo da fechaçom. A Revira nom tem nada a agochar e sim todo a mostrar.
O novo local, no bairro de Sam Antoninho, tem dous andares, e umha superfície aproximada de 130 metros quadrados. A parte inferior, a res do chao, acolherá tanto a zona de convívio como actos e expossiçons, e constituiu um espaço agradável e vissível ao exterior por uns amplos ventanais e portas de vidro. Na parte superior, em fase de reforma menos avançada, situaremos a biblioteca-espaço polivalente de estudo e juntanças, ademais de um pequeno talher e , com tempo, umha cozinha. Outro dos nossos projectos é o de constituirmos umha cousateca.
Fazemos um chamamento a movimentos sociais e colectivos da comarca, assi como a todas e todos aqueles que partilham no básico os nossos princípios, a participarem activamente nesta nova etapa, com especial fincapé nos que no passado formaram parte da associaçom e por motivos diversos se foram desvinculando. A Revira é um centro social aberto, combativo e comprometido, aníma-te a participar!
ACTO-INAUGURAÇOM, sexta 18 de dezembro às 19:30h: Charla-colóquio "O monte é nosso", com Fernando Pintos (pte. da comunidade de montes de Salzedo) e Xabier Míguez (pte. da comunidade de montes de Vila Boa).Ceia de Aniversário às 22:30h no local. Para apontar-te envia um mail ao endereço centrosocial@revira.org
Posteriormente, festa no local.
Gonzalo Galhas nº4, res do chao. Ponte Vedra.
14 Dezembro 2009
07 Dezembro 2009
Subscrever:
Mensagens (Atom)
